|
There are no translations available.
<უკან დაბრუნება....<<დაბრუნება მთავარ გვერდზე...<<<საქართველოს ეკლესია-მონასტრები - აფხაზეთი >>>
განვითარებული ფეოდალიზმი: მოქვის ტაძარი //ციციშვილი ირ. ქართული ხელოვნების ისტორია. - თბ., 1995. - გვ. 91 - 92.
განსაკუთრებულ ჯგუფს შეადგენენ აფხაზეთის ძეგლები, რომლებიც მიუხედავად განვითარების საერთო ხაზისა, ამავე დროს ხასიათდებიან თავისებური ნიშნებით, შესაძლოა ბიზანტიის არქიტექტურასთან სიახლოვის შედეგადაც.
მოქვის ტაძარი აგებული აფხაზთა მეფის ლეონ III მიერ 957-967 წლებში, წარმოადგენს წაგრძელებული ფორმის ხუთნავიან გუმბათოვან შენობას. ტაძრის სამი ძირითადი ნავი აღმოსავლეთით შვერილი აფსიდებით მთავრდება, ამასთან შუა მრავალწახნაგოვანია. დასავლეთის ნართექსი დაკავშირებულია გარშემოსავლელთან, რომლის აღმოსავლეთის ნაწილში მოწყობილია სამკვეთლო და სადიაკვნო, ხოლო ზემოთ პატრონიკე. მკაცრი და მშვიდი შიგა სივრცე უხვად არის განათებული. თლილი ქვით შემოსილი ფასადების ძირითად მხატვრულ ელემენტს წარმოადგენს სარკმელთა რითმული განაწილება და გუმბათი მრავალწახნაგა ყელითა და დაბალი საბურავით.
|
