<უკან დაბრუნება

ქურმუხის ეკლესია - ქართული საბჭოთა ენციკლოპედია, ტ.10, გვ.576-577, თბ., 1986

ქურმუხი, საქართველოს ისტორიული მხარის - ჰერეთის მნიშვნელოვანი პუნქტი, ახლანდელი აზერბაიჯანის კახის რაიონის ცენტრის ქალაქ კახის სამხრეთ-აღმოსავლეთით 2 კმ-ზე. შუა საუკუნეებში აქ საეპისკოპოსო კათედრალი იყო. ქურმუხის ეპისკოპოსს ექვემდებარებოდა აგრეთვე ჰერეთის მთიანეთისა და წახურის (დაღესტანში) მრევლი. XVII საუკუნის დასაწყისში ირანის შაჰმა აბას I-მა ჰერეთის აღმოსავლეთი თემი კაკი ქურმუხითურთ ჩამოართვა კახეთის მეფე ალექსანდრე II-ს და წახურელ ლეკებს გადასცა, რომელნიც აქ საბოლოოდ XVIII საუკუნის I მეოთხედიდან გაბატონდნენ. ქურმუხი მოსწყდა კახეთის სამეფოს. შემდგომ იგი უკვე საინგილოს მნიშვნელოვანი პუნქტია. შემორჩენილია XIII-XIV საუკუნეების ეკლესია "ქურმუხის წმინდა გიორგი". იგი როგორც ქართულ, ისევე მუსლიმანური მოსახლეობის წმინდა ადგილად ითვლებოდა.

თ. პაპუაშვილი

http://ka.wikipedia.org/wiki/ქურმუხი

• ქურმუხი - აღწერა, ისტორია, მდებარეობა
• ქურმუხი - მის შესახებ სტატიები, ბიბლიოგრაფია
• ქურმუხი - ფოტოგალერეა //ფოტოალბომის სრული ვერსია