<უკან დაბრუნება...<<<დუშეთის რაიონის ძეგლები // კოშკები და საერო ნაგებობები>>>

ჩინთი - ქართული საბჭოთა ენციკლოპედია, ტ.11, გვ.137, თბ., 1987 წელი.

ჩინთი - სოფელი დუშეთის რაიონში (ჟინვალის სადაბო...), მდინარე არაგვის მარცხენა მხარეს. ზღვის დონიდან 680 მეტრი. დუშეთიდან დაშორებულია 17 კილომეტრით... ჩინთში შემონახულია კოშკების კომპლექსი. ვაკეზე, კლდის მცირე მასივის ორივე მხარეს, თითო - თითო კოშკია აღმართული. არაგვის მხარეს პირშექცეული, გეგმით სწორკუთხა კოშკი დანგრეულია. მეორე კოშკი ხუთსართულიანია, ნაგებია ნატეხი ქვით გამოყვანილი სწორი ჰორიზონტალური რიგებით. შესასვლელი II სართულიდან აქვს. კოშკები XVIII საუკუნეზე ადრინდელ ხანას მიეკუთვნება. აქედან დაახლოებით 30 მეტრზე დგას მესამე, ხუთსართულიანი კოშკი. იგი უჩვეულო სახისაა. მისი ქვედა ნახევარი გარედან კუთხედებმომრგვალებულია, ზედა ნახევარი ოთხკუთხედია. შესასვლელი აქვს II სართულზე გარედან მისადგმელი კიბით. ნაშენია დამუშავებული რიყის ქვითა და ლოდებით, ურევია ნატეხი ქვაც. იგი XV-XVIII სს. მიეკუთვნება.

• ჩინთის კოშკები - აღწერა, ისტორია, მდებარეობა
• ჩინთის კოშკები - მის შესახებ სტატიები, ბიბლიოგრაფია
• ჩინთის კოშკები - ფოტოგალერეა // ფოტოალბომის სრული ვერსია