< უკან დაბრუნება...<< დაბრუნება მთავარ გვერდზე

კვეტერა //საქართველოს სულიერი საგანძური. წ.I. - თბ., 2005. - გვ. 136-137.

ისტორიული ციხე-ქალაქი კვეტერა კახეთის სამთავროს (შემდეგ სამეფოს) ერთ-ერთი ცენტრი იყო. იგი მდინარე ილტოს ნაპირზე, ახმეტა-თიანეთის დამაკავშირებელ მაგისტრალზე მდებარეობს. კვეტერა წყაროებში პირველად XI საუკუნის შუა წლებიდან იხსენიება, თუმცა ვახუშტის (XVIII  ს.) მიხედვით, ჯერ კიდევ VIII საუკუნეში უნდა არსებულიყო, რასაც ჩატარებული არქეოლოგიური კვლევა ძიებაც ადასტურებს. ციხესიმაგრის  ჩრდილო აღმოსავლეთით, ყველაზე მაღალ ადგილზე აკროპოლისია, რომელშიც სასახლე და ეკლესიაა განლაგებული. გეგმით ჯვრისებრი ეკლესია X საუკუნის  პირველ ნახევარს მიეკუთვნება. მისი ყოველი მკლავი დასრულებულია აფსიდით, რომელთა შორის ნიშებია მოთავსებული. ცენტრალურ კვადრატზე აღმართულია მრგვალ ყელზე დაყრდნობილი გუმბათი. შირიმით ნაგები შენობა, როგორც ჩანს, მეფის კარის ეკლესიად იყო გათვალისწინებული. ხუროთმოძღვარს, ყოველგვარი მორთულობისა და ჩუქურთმების გარეშე, შეუქმნია კომპოზიციურად მომხიბლავი ნაგებობა.

• კვეტერას კომპლექსი - მთავარი გვერდი
• კვეტერას კომპლექსი - აღწერა, ისტორია, მდებარეობა
• კვეტერას კომპლექსი - მის შესახებ სტატიები, ბიბლიოგრაფია
• კვეტერას კომპლექსი - ფოტოგალერეა //ფოტოალბომის სრული ვერსია